တအာင်းပြည် ကျန်းမာရေးကောင်စီ ဖွဲ့စည်း

တအောင်းပြည်အတွင်းရှိ တိုင်းရင်းသားလူမျိုးပေါင်းစုံအတွက် လိုအပ်သည့် ကျန်းမာရေးစောင့်ရှောက်မှုပေးရန်နှင့် ရောဂါကာကွယ်နှိမ်နင်းရေးလုပ်ငန်းများအား အဓိကထား လုပ်ဆောင်ရန်အတွက် "တအာင်းပြည်ကျန်းမာရေးကောင်စီ- Ta’angland Health Council (THC)" ကို ဖွဲ့စည်းပြီဖြစ်ကြောင်း သြဂုတ် ၂၅ ရက်တွင် ထုတ်ပြန်သည်။

အခြားအချက်အလက်

• ပလောင်ပြည်နယ် လွတ်မြောက်ရေးတပ်ဦး (PSLF/TNLA) နှင့် တအာင်းပြည်တွင်း တော်လှန်ရေးတာဝန် အသီးသီးထမ်းဆောင်နေသည့် မန္တလေးကျန်းမာရေးမိသားစု (Medical Family Mandalay – MFM) ၊ CDM နှင့် ဒေသခံ ကျန်းမာရေးပညာရှင်များ စုံညီအစည်းအဝေးပြုလုပ်ပြီးနောက် ကောင်စီဝင် ၁၅ ဦးဖြင့် THC အား ဖွဲ့စည်းခြင်း ဖြစ်သည်။
• THC သည် ဒေသတွင်း ရောဂါဖြစ်ပွားနှုန်းနှင့်သေဆုံးနှုန်း လျော့ကျစေရန်း၊ ကျန်းမာစွာ သက်တမ်းစေ့နေနိုင်ရေးနှင့် ပျမ်းမျှသက်တမ်း ပိုမိုမြင့်မားလာရေးကိစ္စများလည်း ဆောင်ရွက်မည် ဖြစ်သည်။